રાજકોટમાં બાળકો માટે નિ:શુલ્ક ‘યોગ સમર કેમ્પ’ યોજાશે

ગુજરાત રાજ્યના રમતગમત, યુવા અને સાંસ્કૃતિક વિભાગ દ્વારા બાળકોમાં શારીરિક તથા માનસિક તંદુરસ્તી અંગે જાગૃતિ કેળવવાના હેતુસર સમગ્ર રાજ્યમાં સૌ પ્રથમ વખત નિ:શુલ્ક ‘સમર યોગ કેમ્પ’નું આયોજન કરવામાં આવ્યું છે.

તા. ૨૧ થી ૩૦ મે, ૨૦૨૩ દરમિયાન યોજાનારા આ કેમ્પમાં ૯ થી ૧૫ વર્ષની વયના ભાઈઓ-બહેનો ભાગ લઈ શકશે. જે અન્વયે ગુજરાત રાજ્ય યોગ બોર્ડ દ્વારા રાજકોટ શહેરમાં છ સ્થળોએ વિનામૂલ્યે ‘સમર યોગ કેમ્પ’ યોજાશે. રાજકોટમાં પુનિતનગર સોસાયટીમાં સંતશ્રી પુનિત મહારાજ પ્રાથમિક શાળા ખાતે આયોજિત ‘સમર યોગ કેમ્પ’માં જોડાવા યોગ કોચશ્રી ડૉ. કલ્પેશભાઈ પાડલીયાનો મો.નં. ૮૩૨૦૬ ૧૮૧૭૧ પર સંપર્ક કરવાનો રહેશે. ડો. યાજ્ઞિક રોડ પર ૧૬, જાગનાથ પ્લોટમાં શિવશક્તિ ડેરીની બાજુમાં ૧૦૧, શ્યામ એપાર્ટમેન્ટ ખાતે કેમ્પમાં ભાગ લેવા યોગ ટ્રેનર્સશ્રી પ્રીતિબેન રાજપોપટનો મો.નં. ૯૫૮૬૨ ૧૭૮૩૨ અથવા પારુલબેન મહેતાનો મો.નં. ૯૩૨૭૬ ૮૦૮૦૦ પર સંપર્ક કરવાનો રહેશે.

કોઠારીયા રોડ પર નવા સુભાષનગર-૨માં રામેશ્વર મહાદેવ મંદિર ખાતે કેમ્પમાં જોડાવા યોગ ટ્રેનરશ્રી તૃષાબેન જીવરાજાનીનો મો.નં. ૮૩૨૦૬ ૬૩૯૫૭ પર સંપર્ક કરવાનો રહેશે. વધુમાં, પોલીસ હેડ ક્વાર્ટર રોડ પર રિવેરા હાઉસની બાજુમાં અંબિકા ટાઉનશીપમાં મોદી સ્કુલ ખાતે કેમ્પમાં ભાગ લેવા યોગ ટ્રેનર્સશ્રી કિંજલબેન ઘેટિયાનો મો.નં. ૯૯૨૪૦ ૪૯૧૭૨ અથવા ભાવનાબેન ગામીનો મો.નં. ૯૪૨૮૭ ૨૫૮૪૮ પર સંપર્ક કરવાનો રહેશે. કેનાલ રોડ પર દુલાભગત મંદિર ખાતે યોગ ટ્રેનરશ્રી ચેતનાબેન ચુડાસમાનો મો.નં. ૮૯૮૦૨ ૨૭૪૧૭નો સંપર્ક કરવાનો રહેશે. કોઠારીયા મેઈન રોડ પર ખોખડદળ નજીક રીવરસાઈડ ઇન્ટરનેશનલ સ્કુલ ખાતે કેમ્પમાં ભાગ લેવા યોગ ટ્રેનરશ્રી હરેશભાઈ સોયાનો મો.નં. ૭૪૦૫૫ ૬૮૯૧૯નો સંપર્ક કરવાનો રહેશે. ઉપરોકત છ સ્થળો ખાતે ‘ યોગ સમર કેમ્પ’માં જોડાવા ઈચ્છુકોએ ઉક્ત મોબાઈલ નંબર પર જે-તે યોગ ટ્રેનરનો સંપર્ક કરી નોંધણી કરાવવાની રહેશે. વધુ વિગત માટે www.gsyb.inની મુલાકાત લઇ શકાશે, તેમ ગુજરાત રાજ્ય યોગ બોર્ડની યાદીમાં જણાવાયું છે.