19.2 C
Gujarat
February 14, 2025
EL News

એપ્રિલ-મેમાં ગરમીનો પારો આટલા ડિગ્રીએ પહોંચશે!

Share
Ahmedabad , EL News

રાજ્યમાં ઉનાળાની ઋતુ શરૂ થયા પછી પણ લોકો છેલ્લા ઘણા દિવસથી બેવડી ઋતુનો અનુભવ કરી રહ્યા છે. જ્યારે હજી પણ આગામી બેથી ત્રણ દિવસ દરમિયાન રાજ્યના કેટલાક વિસ્તારમાં માવઠું પડવાની આગાહી છે. પરંતુ ત્યાર બાદ ગરમી જોર પકડશે તેવી શક્યતા છે. આ વર્ષે એશિયામાં ભારત ઉનાળાની ઋતુમાં હોટસ્પોટ બનશે તેવી સંભાવનાઓ વ્યક્ત કરવામાં આવી રહી છે.

Measurline Architects

અમદાવાદ, ગાંધીનગરમાં આજે વાદળછાયું વાતાવરણ

અમદાવાદ, ગાંધીનગર સહિતના કેટલાક જિલ્લાઓમાં આજે વાદળછાયું વાતાવરણ જોવા મળી રહ્યું છે. ત્યારે આગામી બેથી ત્રણ દિવસ દરમિયાન રાજ્યના કેટલાક જિલ્લામાં કમોસમી વરસાદ પડવાની આગાહી પણ હવામાન વિભાગ દ્વારા કરવામાં આવી છે. મીડિયા અહેવાલ મુજબ, સૌરાષ્ટ્ર, પોરબંદર, રાજકોટ અને દ્વારકામાં આજે વરસાદની સંભાવના છે. પરંતુ, સાયક્લોનિક સિર્ક્યુલેશન સાઉથ રાજસ્થાન તરફ જતા ગુજરાત માટે રાહતના સમાચાર છે. આગામી દિવસોમાં લોકોને કમોસમી વરસાદથી રાહત મળશે.

આ પણ વાંચો…સુરત: ડીંડોલી વિસ્તારમાં મહિલાનો સળગેલો મૃતદેહ મળ્યો

તાપમાન 3થી 4 ડિગ્રીની વચ્ચે વધવાની શક્યતા

હવામાન વિભાગની આગાહી મુજબ, આગામી દિવસોમાં તાપમાનનો પારો ઉંચકાતા ગરમી જોર પકડશે. ગુજરાતના મોટાભાગના શહેરોમાં તાપમાન 3થી 4 ડિગ્રીની વચ્ચે વધવાની શક્યતા છે. જ્યારે આગામી દિવસોમાં પારો 40 ડિગ્રી સુધી પહોંચશે તેવી સંભાવના છે. અમદાવાદ અને ગાંધીનગરમાં હાલ વાદળછાયું વાતાવરણ હોવાથી ઠંડક છે. પરંતુ, આગામી દિવસોમાં ગરમી જોર પકડશે અને જિલ્લાઓમાં લોકો કાળઝાળ ગરમીનો અનુભવ કરી શકે છે. એપ્રિલના મધ્ય અને મે મહિનામાં પારો 44થી 45 ડિગ્રી સુધી નોંધાય તેવી સંભાવનાઓ હાલ જોવાઈ રહી છે.

રોજબરોજના સમાચારો તથા જીવનસ્પર્શી વિષયો માટે એકમાત્ર વિશ્વસનીય પ્લેટફોર્મ હવે પ્લેસ્ટોર ઉપર પણ ઉપલબ્ધ છે આજે જ ડાઉનલોડ કરો Elnews

Related posts

રાજ્યમાં નેતૃત્વ પરીવર્તન નહીં થાય

elnews

રાજકોટ: લોકમેળાની તડામાર તૈયારીઓ વચ્ચે દુર્ઘટના ઘટી,

elnews

ભાજપ પૂર્વ પ્રમુખના પુત્ર સહીત 3 વ્યાજખોરોની ધરપકડ

elnews

Leave a Comment

error: Content is protected !!