રાજકોટનાં યુવકે ઝેરી દવા પી જિંદગી ટૂંકાવી: કારણ હજુ અંક બંધ

રાજકોટમાં દિવસેને દિવસ આત્મહત્યાના બનાવો વધતા જઈ રહ્યા છે તેમાં પણ યુવા વર્ગ આત્મહત્યાનું પગલુ ભરી રહ્યા છે કંઈ પણ સમજ્યા વિચાર્યા વગર પોતાની કીમતી જિંદગીનો અંત કરી નાખે છે. તેવી જ એક ઘટના સામે આવી છે જેમાં રાજકોટમાં વસવાટ કરતા ૩૦ વર્ષના યુવકે પોતાની જિંદગી ટૂંકાવી છે. મળતી માહિતી અનુસાર રાજકોટમાં રહેતા અને ઇમિટેશનનું કામ કરતા ૩૦ વર્ષના સંદીપભાઈ કાજાવદરાએ ઝેરી દવા પી જિંદગી ટૂંકાવી.

૩૦ વર્ષના સંદીપ ભાઇ કાજાવદરા કોઠારીયા રોડ પર આવેલી ન્યુ સાગર સોસાયટી શેરી નં. ૪માં પોતાની માતા સાથે રહેતા હતા તેમના પિતાનું દેહાંત થઈ ગયેલ હોય મતા પુત્ર જ રહેતા હતા. માતા સસોઈ કામ કરે છે પોતાના આધારસ્તંભ એવા દિકરાને ગુમાવતા ઘેર શોકમાં હતા.

સંદીપ ભાઇ ઘરે એકલા હતા ત્યારે દવા ગટગટાવી જતા તેમને ઉલ્ટી થતી હતી બાદમાં પરિવારજનોને જાણ થતાં પહેલાં ખાનગી હોસ્પિટલમાં અને ત્યાર બાદ સિવિલ હોસ્પિટલમાં ખસેડવામાં આવ્યા હતા જ્યાં તેમણે મૃત જાહેર કર્યા હતા. સંદીપ ભાઇનું મૃત્યુ થતાં પોલીસને જાણ કરવામાં આવી હતી બાદમાં પોલીસે હોસ્પિટલ જઈ પરિવાર જાણો સાથે વાત કરી હતી પરંતુ સંદીપ ભાઇએ આ પગલું કેમ ભર્યું તેનું પરિવાર જનોને પણ ધ્યાન ન હતું જેથી પોલીસે તપાસના ચક્ર ગતિમાન કર્યા છે.