17.5 C
Gujarat
March 4, 2024
EL News

છૂટક મોંઘવારી દર ત્રણ મહિનામાં આટલો ઊંચો

Share
Business , EL News

Inflation Rises: દેશમાં મોંઘવારીને કારણે લોકોનું બજેટ ખોરવાઈ જાય છે. મોંઘવારીના કારણે દરેક જીવનજરૂરી ચીજ વસ્તુના ભાવ વધી જાય છે, જેના કારણે લોકોના ખિસ્સા પર ઘણી અસર પડી રહી છે. હવે ફરી એકવાર મોંઘવારીના મોરચે લોકોને આંચકો લાગ્યો છે. હકીકતમાં છૂટક ફુગાવાના જાન્યુઆરી મહિનાના આંકડા બહાર આવ્યા છે. આ ડેટા સૂચવે છે કે છૂટક ફુગાવો ત્રણ મહિનાની ટોચે પહોંચી ગયો છે.

Measurline Architects

ફુગાવો દર ત્રણ મહિનાની ટોચે પહોંચી ગયો 

હકીકતમાં, છૂટક ફુગાવો જાન્યુઆરીમાં ત્રણ મહિનાની ઊંચી સપાટીએ પહોંચી ગયો છે અને જાન્યુઆરીમાં તે વધીને 6.52 ટકા થઈ ગયો છે. તેની સાથે ફુગાવો ફરી એકવાર રિઝર્વ બેંકના સંતોષજનક સ્તરથી ઉપર ગયો છે. રિઝર્વ બેંક ઓફ ઈન્ડિયા (RBI) દ્વારા પણ મોંઘવારી દરને નીચે લાવવા માટે ઘણા પ્રયાસો કરવામાં આવી રહ્યાં છે. જો કે હાલમાં છૂટક ફુગાવા દરમાં વધારો જોવા મળ્યો છે.

છૂટક મોંઘવારી દરમાં વધારો 

જો છેલ્લા કેટલાક મહિનાઓની વાત કરીએ, તો તેની સરખામણીએ જાન્યુઆરી મહિનામાં છૂટક મોંઘવારી દરમાં વધારો જોવા મળ્યો છે. તે જ સમયે, ગ્રાહક ભાવ સૂચકાંક આધારિત ફુગાવો ડિસેમ્બરમાં 5.72 ટકા અને જાન્યુઆરી 2022માં 6.01 ટકા હતો. ખાદ્ય પદાર્થોનો ફુગાવો જાન્યુઆરીમાં 5.94 ટકા રહ્યો જે ડિસેમ્બરમાં 4.19 ટકા હતો.

આ પણ વાંચો…બે પરિવારને બંધક બનાવી ૧૦ લાખથી વધુની લૂંટ ચલાવી

કેન્દ્રીય બેંક છૂટક ફુગાવા દરને ધ્યાનમાં રાખે છે

છેલ્લા કેટલાક મહિનાઓની વાત કરીએ, તો ઓક્ટોબર મહિનામાં છૂટક ફુગાવો દર 6.77 ટકાના ઉચ્ચ સ્તરે હતો. રિઝર્વ બેંક ઓફ ઈન્ડિયા નાણાકીય નીતિને ધ્યાનમાં લેતી વખતે મુખ્યત્વે છૂટક ફુગાવાને જુએ છે. કેન્દ્રીય બેંકને ફુગાવાને 2 ટકાની રેન્જ સાથે 4 ટકા પર રાખવાની જવાબદારી મળી છે.

ઔદ્યોગિક ઉત્પાદનની રફ્તાર ઓછી

ડિસેમ્બર 2022માં ઘટાડા બાદ જાન્યુઆરી 2023માં છૂટક ફુગાવો વધ્યો છે. જાન્યુઆરીમાં છૂટક ફુગાવાનો દર 6.52 ટકા રહ્યો છે, જ્યારે ડિસેમ્બર 2022માં તે 5.72 ટકા હતો. અગાઉ દેશના ઔદ્યોગિક ઉત્પાદન (IIP)ના આંકડાઓમાં પણ ઘટાડો નોંધવામાં આવ્યો છે. ડિસેમ્બર 2022માં તે ઘટીને 4.3 ટકા થઈ ગયો છે. નવેમ્બર 2022માં ઔદ્યોગિક ઉત્પાદનમાં 7.3 ટકાનો વધારો થયો હતો.

રોજબરોજના સમાચારો તથા જીવનસ્પર્શી વિષયો માટે એકમાત્ર વિશ્વસનીય પ્લેટફોર્મ હવે પ્લેસ્ટોર ઉપર પણ ઉપલબ્ધ છે આજે જ ડાઉનલોડ કરો Elnews

Related posts

How to develop a culture in your company?

tejkapoor

કંપનીનો મોટો સોદો અને રેકોર્ડ બ્રેક હાઈ પર શેર

elnews

Go Firstની ફ્લાઇટ્સ કેન્સલ થતાં જ અન્ય એરલાઇન્સને મોજ

elnews

Leave a Comment

error: Content is protected !!