Health Tip , EL News
પેટની સમસ્યામાં લીંબુ ફાયદાકારક છે
કબજિયાત- જો તમને પાચન અથવા પેટ સંબંધિત સમસ્યાઓ હોય તો તમે લીંબુના રસનું સેવન કરી શકો છો. સવારે ઉઠ્યા પછી ખાલી પેટે બે ગ્લાસ પાણીમાં એક લીંબુ અને થોડું મીઠું નાખીને પીવો. સાંજે લીંબુ મીઠું પાણી પણ પીવો. આમ કરવાથી તમને કબજિયાતથી રાહત મળશે.
ઉલટી- આ સિવાય જો તમને ઉલટી થતી હોય તો અડધો કપ પાણીમાં લીંબુનો રસ, જીરું અને એક ઈલાયચીના દાણાને મિક્સ કરી લો. તેને બે કલાકના અંતરાલમાં પીવાથી ઉલ્ટી બંધ થાય છે.
ખાટી ઓડકારઃ- ખાવાની યોગ્ય ટેવ ન હોવાને કારણે ખોરાક પચતો નથી, જેના કારણે શરીરમાં એસિડિટી વધી જાય છે અને ખાટા ઓડકાર આવવા લાગે છે. તેનાથી છૂટકારો મેળવવા માટે પીણામાં લીંબુનો રસ, ખાંડ અને થોડું મીઠું ભેળવીને પીવાથી આરામ મળે છે.
આ પણ વાંચો…ઇન્વેસ્ટર્સ ટેન્શન ના લે, લોન ચૂકવવા પુરતા રૂપિયા છે
ચહેરાના ખીલ દૂર કરવા
લોકો ઘણીવાર ત્વચા પર ફોલ્લીઓ અને ખીલની સમસ્યાથી પરેશાન રહે છે. તેનો સસ્તો અને ફાયદાકારક ઉપાય છે લીંબુ. એક ચમચી મલાઈમાં ચોથા ભાગનું લીંબુ નિચોવીને દરરોજ ચહેરા પર લગાવો. તેનાથી ચહેરાનો રંગ સાફ થાય છે અને ખીલથી પણ રાહત મળે છે. લગભગ એક મહિના સુધી આમ કરવાથી તમને અસર જોવા મળશે.
વજનમાં ઘટાડો
લીંબુનો રસ વજન ઘટાડવા અથવા સ્થૂળતા ઘટાડવા માટે ફાયદાકારક છે. રોજ સવારે એક ગ્લાસ પાણીમાં એક લીંબુનો રસ અને બે ચમચી મધ ભેળવીને પીવાથી વજન ઓછું થાય છે.
