28.3 C
Gujarat
July 19, 2024
EL News

PM મોદી યુએસ સંસદના સંયુક્ત સત્રને કરશે સંબોધિત,

Share
 National, EL News

વડાપ્રધાન નરેન્દ્ર મોદી અમેરિકાના પ્રવાસે રવાના થઈ ગયા છે. તેઓ 21 થી 23 જૂન દરમિયાન અમેરિકાની સત્તાવાર મુલાકાત દરમિયાન અમેરિકી રાષ્ટ્રપતિ જો બાઇડન સહિત વિવિધ નેતાઓ અને ઉદ્યોગપતિઓને મળશે. પ્રવાસના અંતિમ દિવસે ભારતીય સમુદાયના લોકોને પણ સંબોધિત કરશે. પીએમ મોદીના પ્રવાસની ખાસ વાત એ હશે કે તેઓ અમેરિકી સંસદના સંયુક્ત સત્રને સંબોધિત કરશે.

Measurline Architects

જ્યારે વડા પ્રધાન નરેન્દ્ર મોદી 22 જૂને યુએસ સંસદના સંયુક્ત સત્રને સંબોધિત કરવા પહોંચશે, ત્યારે ભારતીય અમેરિકન સાંસદ શ્રી થાનેદાર તેમને મંચ પર લઈ જશે. ડેમોક્રેટિક પાર્ટીના નેતા થાનેદાર સંસદમાં મિશિગનના 13મા કોંગ્રેસનલ ડિસ્ટ્રિક્ટનું પ્રતિનિધિત્વ કરે છે. તેમને યુએસ પ્રમુખ જો બાઇડન દ્વારા 22 જૂનના રોજ વ્હાઇટ હાઉસ ખાતે વડાપ્રધાન મોદીના સન્માનમાં સ્ટેટ ડિનર માટે પણ આમંત્રણ આપવામાં આવ્યું છે જે યુએસ રાષ્ટ્રપતિનું સત્તાવાર નિવાસસ્થાન અને કાર્યાલય છે.

2016માં સંસદના સંયુક્ત સત્રને પણ સંબોધિત કર્યું હતું

આ બીજી વખત છે જ્યારે વડાપ્રધાન મોદી યુએસ સંસદના સંયુક્ત સત્રને સંબોધિત કરશે. આવું કરનાર તેઓ પ્રથમ ભારતીય વડાપ્રધાન છે. આ પહેલા તેમણે 2016માં અમેરિકી સંસદને સંબોધિત કરી હતી. 68 વર્ષીય સાંસદ થાનેદારે કહ્યું, “હું અને (મારી પત્ની) શશી પીએમ મોદીની અમેરિકા મુલાકાતની રાહ જોઈ રહ્યા છીએ. વડાપ્રધાન માટે આ એક ઐતિહાસિક કાર્યક્રમ છે. હું આશા રાખું છું કે વડા પ્રધાન અમેરિકા અને ભારત વચ્ચે મજબૂત સંબંધો પર ભાર મૂકશે.”

સ્ટેટ ડિનર માટે આમંત્રિત થવું એ સન્માનની વાત

તેમણે કહ્યું કે અમેરિકી રાષ્ટ્રપતિ જો બાઇડન તેમજ તેમની પત્ની અને અમેરિકન ફર્સ્ટ લેડી જિલ બાઇડન દ્વારા પીએમ મોદીને સ્ટેટ ડિનર માટે આમંત્રણ આપવું તેમના માટે સન્માનની વાત છે. તે જાહેર સેવા માટે કેટલા પ્રતિબદ્ધ છે અને આંતરરાષ્ટ્રીય સહયોગને આગળ વધારવા માટે કેટલા સમર્પિત છે તેનું આ સાક્ષી છે.

કોણ છે સાંસદ થાનેદાર

આ પણ વાંચો…  આ એક વસ્તુને રોજ પગના તળિયા પર લગાવો, ચહેરો ચંદ્રની જેમ ચમકશે

સંસદના સંયુક્ત સત્રને સંબોધિત કરવા માટે જ્યારે પીએમ મોદી આવ્યા ત્યારે તેમને મંચ સુધી લઈ જવાનું વિશિષ્ટ ગૌરવ સાંસદ થાનેદારને મળ્યું છે. જીવનની પોતાની અંગત સફરનો ઉલ્લેખ કરતાં થાનેદારે કહ્યું, “હું ગરીબીમાં મોટો થયો છું અને એક સપનું લઈને અમેરિકા આવ્યો. હું ભાગ્યશાળી છું કે મેં અમેરિકા વિશે મારું સપનું પૂરું કર્યું છે.” તેમણે અમેરિકા અને ભારત વચ્ચેના મજબૂત સંબંધોને સમર્થન આપ્યું.

રોજબરોજના સમાચારો તથા જીવનસ્પર્શી વિષયો માટે એકમાત્ર વિશ્વસનીય પ્લેટફોર્મ હવે પ્લેસ્ટોર ઉપર પણ ઉપલબ્ધ છે આજે જ ડાઉનલોડ કરો Elnews

Related posts

SONU SOOD BACK AS ANGEL : WILL BUILD SCHOOLS.

elnews

અદાણી જુથ ગ્રાન્ડમાસ્ટર પ્રજ્ઞાનંધાને પ્રોત્સાહક પીઠબળ આપશે

elnews

RBI Imposed Fine On 8 Banks Of Some States Including Gujarat.

elnews

Leave a Comment

error: Content is protected !!