25.6 C
Gujarat
March 3, 2024
EL News

ટોલ બૂથ પર FASTag કરતાં વધુ ઝડપી હશે આ સેવા

Share
Business, EL News

સરકાર બેરિયર-લેસ ટોલ ટેક્સ કલેક્શન સિસ્ટમ દાખલ કરવાની યોજના બનાવી રહી છે. તેના અમલીકરણથી વાહનચાલકોને ટોલ બૂથ પર અડધી મિનિટ માટે પણ ઊભા રહેવું નહીં પડે. આ માહિતી આપતાં કેન્દ્રીય માર્ગ પરિવહન અને રાજમાર્ગ રાજ્ય મંત્રી વીકે સિંહે જણાવ્યું કે બેરિયર-લેસ ટોલ ટેક્સ કલેક્શન સિસ્ટમનો ટ્રાયલ રન હાલમાં ચાલી રહ્યો છે. દિલ્હી-મેરઠ એક્સપ્રેસ વે પર ચાલી રહેલું પરીક્ષણ સફળ થતાં જ તેને લાગુ કરવામાં આવશે. સિંહે જણાવ્યું કે દેશમાં રસ્તાઓ પર આવરી લેવાયેલા અંતરના આધારે ટોલ ચૂકવણીની સિસ્ટમ પણ લાગુ કરવામાં આવશે. તેમણે કહ્યું કે ટોલ વસૂલાતની નવી સિસ્ટમ લાગુ થયા બાદ તેની ક્ષમતા વધશે અને મુસાફરીનો સમય પણ ઘટશે.

Measurline Architects

ટોલ ટેક્સ માટે રાહ જોવાની જરૂર નથી

ટોલ ટેક્સ માટે સરકાર હાલમાં બંને માધ્યમોનો ઉપયોગ કરી રહી છે. ટોલ ટેક્સ પર હાજર કર્મચારી દ્વારા ઓફલાઈન કલેક્શન કરવામાં આવી રહ્યું છે અને FASTagની મદદથી ઓનલાઈન કલેક્શન કરવામાં આવી રહ્યું છે. તેમણે કહ્યું કે વાહનોમાં ફાસ્ટેગના ઉપયોગથી ટોલ બૂથ પર લાગતો સમય ઘટાડીને 47 સેકન્ડ થઈ ગયો છે, પરંતુ સરકાર તેને વધુ ઘટાડીને 30 સેકન્ડથી ઓછા કરવા માંગે છે. આ માટે દિલ્હી-મેરઠ એક્સપ્રેસ વે પર પાયલોટ ટેસ્ટિંગ ચાલી રહ્યું છે, જેમાં સેટેલાઇટ અને કેમેરા આધારિત ટેક્નોલોજીનો ઉપયોગ કરવામાં આવી રહ્યો છે. સરળ શબ્દોમાં કહીએ તો જે રીતે ટ્રાફિક પોલીસ ચલણ ઈશ્યુ કરવા માટે સીસીટીવી કેમેરાનો સહારો લે છે તેવી જ રીતે હવે ટોલ ટેક્સ વસૂલવા માટે આવા કેમેરા બનાવવામાં આવ્યા છે જે ચાલતા વાહનનો ટોલ ટેક્સ વસૂલી શકે છે. જણાવી દઈએ કે વાહનમાં દેખાતી નંબર પ્લેટના આધારે આ શક્ય બનશે.

આ પણ વાંચો…રાજકોટમાં જી. આઇ. ડી. સી. માંથી મહિલાની લાશ મળી આવી

આ માટે નેટવર્કનું વિસ્તરણ કરવામાં આવી રહ્યું છે

સિંહે કહ્યું કે જ્યારે તમે હાઈવેમાં પ્રવેશો છો અને ત્યાં લગાવવામાં આવેલ કેમેરા તમારા વાહનના રજીસ્ટ્રેશન નંબરને સ્કેન કરે છે, તો તેના આધારે એ જાણી શકાય છે કે તમે ટોલ બૂથ સુધી પહોંચવા માટે કેટલા કિલોમીટરનો પ્રવાસ કર્યો છે. તેમણે કહ્યું કે આ વર્તમાન સિસ્ટમથી અલગ છે જેમાં તમે હાઇવે પર કેટલા કિલોમીટરની મુસાફરી કરી છે તેની સાથે તેને કોઈ લેવાદેવા નથી. આ ચુકવણી ટોલના નિયમો પર આધારિત છે. કેન્દ્રીય મંત્રીએ કહ્યું કે વર્તમાન સરકાર દ્વારા ટેલિકોમ્યુનિકેશન સહિતના વિવિધ ક્ષેત્રોમાં કરવામાં આવેલા કાર્યોને કારણે જ આવી પ્રગતિ પ્રાપ્ત થઈ રહી છે. તેમણે કહ્યું કે ટેલિકોમ નેટવર્કમાં થયેલા સુધારાથી ટોલ પ્લાઝા પર વાહનોનો ડેટા એકત્ર કરવામાં મદદ મળી રહી છે.

રોજબરોજના સમાચારો તથા જીવનસ્પર્શી વિષયો માટે એકમાત્ર વિશ્વસનીય પ્લેટફોર્મ હવે પ્લેસ્ટોર ઉપર પણ ઉપલબ્ધ છે આજે જ ડાઉનલોડ કરો Elnews

Related posts

339 મિલિયન મેટ્રિક ટન કાર્ગોના પરિવહન હેન્ડલિંગ સાથે

cradmin

આ સ્કીમમાં મળશે બમણું રિટર્ન, રોકાણની નથી કોઈ મર્યાદા

elnews

સ્પાઇસજેટને મળ્યો જેકપોટ! હવે એક્સપ્રેસની ઝડપે ભાગશે

elnews

Leave a Comment

error: Content is protected !!