National, EL News
કેન્દ્રીય ગૃહ મંત્રી અમિત શાહે મણિપુરની સ્થિતિ પર ચર્ચા કરવા માટે આજે રાષ્ટ્રીય રાજધાનીમાં સર્વપક્ષીય બેઠક બોલાવી છે. આ બેઠકમાં મણિપુર હિંસા પર ચર્ચા થશે અને શાંતિ કેવી રીતે સ્થાપિત કરવી તે સંબંધિત દરેક મુદ્દા પર ચર્ચા કરવામાં આવશે. આ બેઠકની અધ્યક્ષતા અમિત શાહ કરશે. આ મીટીંગ શનિવારે બપોરે 3 કલાકે થવાની છે. મળતી માહિતી મુજબ એનસીપી પ્રમુખ શરદ પવાર આ બેઠકમાં ભાગ લેશે નહીં.
ઈન્ટરનેટ પ્રતિબંધ 25 જૂન સુધી લંબાવાયો
તમને જણાવી દઈએ કે 3 મેથી મણિપુરમાં આગચંપી જેવી ઘટનાઓ હજુ પણ સતત બની રહી છે, તેથી રાજ્ય સરકારે શાંતિ પુનઃસ્થાપિત કરવા અને ઘણા મહિનાથી ચાલુ હિંસા અને અશાંતિને રોકવાના પ્રયાસમાં તાત્કાલિક અસરથી ઇન્ટરનેટ પર પ્રતિબંધ લાદી દીધો છે અને 25 જૂન સુધી લંબાવી દીધો છે. રાજ્યમાં ચાલી રહેલી અશાંતિને ધ્યાનમાં રાખીને ડેટા સેવાઓ પર પણ પ્રતિબંધ લગાવી દીધો છે.
3 મેથી બની રહી છે હિંસક ઘટનાઓ
અનુસૂચિત જનજાતિ (ST) યાદીમાં મેઇતેઇને સમાવવાની માંગના વિરોધમાં ઓલ ટ્રાઇબલ સ્ટુડન્ટ્સ યુનિયન (ATSU) દ્વારા આયોજિત રેલી દરમિયાન 3 મેના રોજ મણિપુરમાં હિંસા ફાટી નીકળી હતી.
રાજ્યમાં શાંતિ અને સૌહાર્દની અપીલ કરતા, કોંગ્રેસ સંસદીય પક્ષના અધ્યક્ષ સોનિયા ગાંધીએ કહ્યું કે મણિપુરમાં લોકોના જીવનને તબાહ કરતી અભૂતપૂર્વ હિંસાએ “આપણા રાષ્ટ્રના અંતરાત્મા પર ઊંડો ઘા છોડી દીધો છે”.
રાહુલ ગાંધીએ ઉઠાવ્યો સવાલ
મણિપુરમાં વંશીય હિંસા અને અથડામણના પગલે હાલની સ્થિતિ પર ચર્ચા કરવા માટે કેન્દ્રીય ગૃહ મંત્રી અમિત શાહ દ્વારા 24 જૂને બોલાવવામાં આવેલી સર્વપક્ષીય બેઠકના સમય પર સવાલ ઉઠાવતા કોંગ્રેસના નેતા રાહુલ ગાંધીએ કહ્યું કે તે એવા સમયે બોલાવવામાં આવી હતી જ્યારે વડાપ્રધાન પ્રધાન મંત્રી નરેન્દ્ર મોદી અમેરિકાના રાજ્ય પ્રવાસે છે, જે દર્શાવે છે કે આ બેઠક તેમના માટે મહત્ત્વની નથી.
રાહુલે ટ્વીટ કર્યું, “મણિપુર 50 દિવસથી સળગી રહ્યું છે, પરંતુ વડાપ્રધાન મૌન રહ્યા. સર્વપક્ષીય બેઠક ત્યારે યોજવામાં આવી જયારે વડાપ્રધાન પોતે દેશમાં નથી, દેખીતી રીતે, આ બેઠક વડાપ્રધાન માટે મહત્ત્વની નથી.”
આ પણ વાંચો… અમેરિકા ભારતને આપશે પોતાની ખાસ GE-F414 ટેક્નોલોજી
દરમિયાન, ગુરુવારે કોંગ્રેસના નેતા કેસી વેણુગોપાલે પણ મણિપુરની સ્થિતિ પર તેમના મૌનને લઈને પીએમ મોદી પર પ્રહારો કર્યા હતા. તેમણે કહ્યું, “મણિપુર છેલ્લા 53 દિવસથી સળગી રહ્યું છે. પીએમ મોદી અત્યાર સુધી એક પણ શબ્દ બોલ્યા નથી.” વેણુગોપાલે દાવો કર્યો કે મણિપુરનું એક પ્રતિનિધિમંડળ છેલ્લા 10 દિવસથી અહીં છે પરંતુ પીએમ તેમને મળવા તૈયાર નથી.
