Surat, EL News
સુરતના લિંબાયત વિસ્તારમાંથી એક ચોંકાવનારી ઘટનાના સીસીટીવી ફૂટેજ સામે આવ્યા છે, જેમાં કેટલાક યુવકો અન્ય એક યુવકને ઢોર માર મારતા નજરે પડી રહ્યા છે. આ ઘટના સામે આવતા લિંબાયત પોલીસે સીસીટીવી ફૂટેજના આધારે કાર્યવાહી હાધ ધરી છે.
સુરતના લિંબાયત વિસ્તારમાંથી જાહેરમાં મારામારીની ઘટના સામે આવી છે. આ ઘટના ત્યાં લાગેલા સીસીટીવી કેમેરામાં કેદ થઈ હતી. સરદારનગર વિસ્તારમાં એક યુવક પર અન્ય યુવકોના એક ટોળા દ્વારા જીવલેણ હુમલો કરવામાં આવ્યો હતો. મળતી માહિતી મુજબ, વાહન હંકારવા બાબતે ઝઘડો થયો હોવાથી યુવકોના ટોળાએ અન્ય એક યુવકને ઢોર માર માર્યો હતો. આ સમગ્ર ઘટના સીસીટીવીમાં કેદ થઈ હતી. જાહેરમાં મારામારીની ઘટનાથી વિસ્તારમાં ભયનો માહોલ સર્જાયો હતો.
આ પણ વાંચો…ગાંધીનગર: છૂટાછેડા આપ્યા વિના જ પતિએ બીજા લગ્ન કર્યાં
CCTVના આધારે તપાસ
લિંબાયત પોલીસે જણાવ્યું કે, સીસીટીવી ફટેજના આધારે જાણવા મળ્યું છે કે સરદારનગરના કેટલાક યુવકો વચ્ચે કોઈક બાબતે અંદરોઅંદર માથાકૂટ થઈ હતી. આથી અમારી ટીમ દ્વારા સીસીટીવીના આધારે તપાસ કરવામાં આવી રહી છે. સાથે યુવકોની પૂછપરછ પણ શરૂ કરવામાં આવી છે. ઝઘડો ક્યાં કારણસર થયો છે તે અંગે પણ તપાસ કરાઈ રહી છે.
