Food Recipes, EL News:
ફૂલગુલાબી ઠંડીમાં મેળવો સ્વાદિષ્ટ સૂપનો ગરમાવો, જાણો સૂપ બનાવવાની રીત
શિયાળાના દિવસોમાં ગરમાગરમ સૂપ પીવાની લિજ્જત જ અનેરી છે. વિવિધ શાકભાજી અને સાથે આદું-લસણનો ગરમાવો મળે તો સ્વાસ્થ્ય પણ સારું રહે અને શરદી હોય તો એમાં પણ રાહત રહે. બનાવો આ વિવિધ સૂપ જે સ્વાદ સાથે સ્વાસ્થ્ય પણ આપશે.
ગ્રીન ઓનિયન એન્ડ કોર્ન સૂપ
સામગ્રી : બાફેલી અમેરિકન મકાઈ-1 કપ, સમારેલા લીલી ડુંગળીના પાન-1 કપ, સમારેલો લીલી ડુંગળીનો સફેદ ભાગ-અડધો કપ, બારીક સમારેલું લસણ-3થી 4 કળી બટર-2 ચમચી, મીઠું-સ્વાદ મુજબ, મરી પાઉડર-પા ચમચી, લીંબુનો રસ-2 ચમચી
ગ્રીન ઓનિયન એન્ડ કોર્ન સૂપ બનાવવાની રીત :
સૌપ્રથમ એક પેનમાં બટર ગરમ કરી સમારેલું લસણ, બાફેલી મકાઈ, લીલી ડુંગળીના પાન અને તેના સફેદ ભાગને સાંતળો. તેના સફેદ ભાગને સાંતળો. સ્વાદ મુજબ મીઠું, મરી પાઉડર અને ગરમ પાણી ઉમેરી ઉકાળો.દસ મિનિટ ઉકળે એ પછી ગેસ બંધ કરી લીંબુનો રસ ઉમેરી ગરમાગરમ સર્વ કરો. આ સૂપની અંદર બેબીકોર્ન અને મશરૂમ પસંદ હોય તો એ પણ ઉમેરી શકાય.
