EL News

ટેક્સ રિટર્નનો સરેરાશ પ્રોસેસિંગ સમય ઘટીને થયો 10 દિવસ

Share
Business, EL News

આવકવેરા રિટર્નની પ્રક્રિયામાં લાગતો સરેરાશ સમય નોંધપાત્ર રીતે ઘટ્યો છે અને હવે તે ઘટીને માત્ર 10 દિવસ થઈ ગયો છે. સેન્ટ્રલ બોર્ડ ઓફ ડાયરેક્ટ ટેક્સિસ (CBDT) એ મંગળવારે એક નિવેદનમાં આ માહિતી આપી છે. કરદાતા દ્વારા ચકાસણી પછીની પ્રક્રિયાને સરળ અને ઝડપી બનાવવામાં આવી છે. એક અહેવાલ અનુસાર, સીબીડીટીએ કહ્યું કે આવકવેરા વિભાગ દ્વારા કરવામાં આવી રહેલા પ્રયાસોને સતત મજબૂત બનાવવામાં આવી રહ્યા છે.

PANCHI Beauty Studio

સરેરાશ પ્રોસેસિંગ સમયમાં મોટો ફેરફાર

અહેવાલો અનુસાર, સીબીડીટીએ જણાવ્યું કે આકારણી વર્ષ (AY) 2023-24 માટે ફાઇલ કરેલા રિટર્નની ચકાસણી પછી આવકવેરા રિટર્નનો સરેરાશ પ્રોસેસિંગ સમય AY 2019-20 માટે 82 દિવસ અને AY 2022 માટે 16 દિવસનો સરખામણીમાં ઘટાડીને 10 દિવસ કરી દેવામાં આવ્યો છે. અહેવાલો મુજબ, સેન્ટ્રલ બોર્ડ ઓફ ડાયરેક્ટ ટેક્સે કહ્યું કે આવકવેરા વિભાગ તાત્કાલિક અને કાર્યક્ષમ રીતે ટેક્સ રિટર્ન (ITR)ની પ્રક્રિયા કરવા માટે પ્રતિબદ્ધ છે.

ITR ફાઇલિંગ પણ ઝડપી

ITR ફાઇલિંગમાં પણ ઘણી ઝડપ વધેલી જોવા મળી છે. CBDT ડેટા અનુસાર, 5 સપ્ટેમ્બર 2023 સુધી, આકારણી વર્ષ 2023-24 માટે 6.98 કરોડ ITR ફાઇલ કરવામાં આવ્યા હતા. જેમાંથી 6.84 કરોડનું વેરિફિકેશન થઈ ચૂક્યું છે. 5 સપ્ટેમ્બર સુધીમાં, આકારણી વર્ષ 2023-24 માટે 6 કરોડથી વધુ ટેક્સ રિટર્ન પ્રોસેસ કરી દેવામાં આવ્યા છે. આ જ કારણ છે કે 88 ટકાથી વધુ આવકવેરા રિટર્ન પ્રોસેસ થઈ ગયા છે. વર્તમાન મૂલ્યાંકન વર્ષ માટે 2.45 કરોડથી વધુ રિફંડ પહેલેથી જ જારી થઈ ચુક્યા છે.

આ પણ વાંચો…રાયપુર કેનાલ નજીક ફાર્મહાઉસમાં જુગાર રમતા 11 ઝડપાયા

અમુક પ્રકારના ITRને પ્રોસેસ કરવામાં સક્ષમ નથી

અહેવાલો મુજબ, વિભાગ કરદાતાઓ તરફથી ચોક્કસ માહિતી અથવા પગલાંના અભાવને કારણે ચોક્કસ પ્રકારના ITRને પ્રોસેસ કરવામાં સક્ષમ નથી. AY 2023-24 માટે લગભગ 14 લાખ ITR હજુ સોમવાર સુધી કરદાતાઓ દ્વારા ચકાસવાના બાકી છે. લગભગ 12 લાખ વેરિફાઈડ આઈટીઆર છે જેના વિશે વિભાગે વધુ માહિતી માંગી છે. CBDTએ કરદાતાઓને વિનંતી કરી છે કે તેઓ આવા કોમ્યુનિકેશનનો ઝડપથી જવાબ આપે.

રોજબરોજના સમાચારો તથા જીવનસ્પર્શી વિષયો માટે એકમાત્ર વિશ્વસનીય પ્લેટફોર્મ હવે પ્લેસ્ટોર ઉપર પણ ઉપલબ્ધ છે આજે જ ડાઉનલોડ કરો Elnews

Related posts

UPI યુઝર્સને RBI ગવર્નરે આપી ખુશખબર…

elnews

આ બેંક આપી રહી છે 500 દિવસની FD પર 8.85% વ્યાજ

elnews

આ બેંકોના શેર દિવાળી પહેલા તમારા પોર્ટફોલિયોમમાં એડ કરો

elnews

Leave a Comment

error: Content is protected !!